ආඩම්බරයි අප්පච්චි මට ............

ආදර අප්පච්චි, 

අප්පච්චි ඊලඟ සතියෙ නිවාඩු එනවා නෙද ? දවස් 45ක් යනවා දැනුනෙවත් නැ . අප්පච්චි ගියෙ ඊයෙ පෙරෙදා  වගෙ මට මතක . මතකද ගිය අවුරුද්දට ඉස්සෙල්ලා අවුරුද්දෙ බන්ටි නංගිගෙ හතර වෙනි උපන්දිනය දවසෙ කැම්ප් ගිය අප්පච්චි අය අවෙ බන්ටිගෙ පස් වෙනි උපන්දිනෙට මාසයක් තියලා . අපිටත් වඩා දැන් සතුටු අපෙ අම්මාට අප්පච්චි . මොකද දැන් අපෙ අප්පච්චි හැම නිවාඩුවටම ගෙදර එනවනේ .  මට මතක් වෙන්නෙම ඉස්සර අපෙ අම්මගෙ නිවුස් බලද්දි මුන.  නිකන් කජු ලෙල්ලක් වගෙ.එකට දැන් අපෙ අම්මා නිවුස් බැලුව කාලයක් මතක නැද්ද කොහෙදො . මතකද අප්පච්චි බන්ටි එ දවස් වල අත්තා එක්ක ඉස්කොලෙ යවලා අපෙ අම්මා මව පස්සෙ බස් එකෙ පහු කරලා එක්කන් යනවා . අපෙ හිත් වලට එ සතුට, නිදහස සැහැල්ලුව අරන් අවෙ අපෙ අප්පච්චිලා දිවි එපා කියලා අපෙ රට වෙනුවෙන් සටන් කල නිසා, ජිවිත පිදුව නිසා කියලයි අපෙ ටිච කිව්වෙ .

ගිය සතියෙ  රණවිරු සැමරුම අපෙ ඉස්කොලෙත්  බොහොම ලොකුවට සැමරුව අප්පච්චි .එදා ඉස්කොලෙ හැමොම මම දිහා බැලුවෙත් රණවිරුවෙක් දිහා බලනවා වගෙ . එ මගෙ අප්පච්චි නිසා . එදා දැනුන අඩම්බරය නම් ඉහටත් උඩින් . අප්පච්චිලා අර බෆල් කැබ් පෙරලලා පස් බැමි කැඩුව විදිය මම යාලුවන්ට කියද්දි එ අයගෙ  මුණු බයවෙලා තිබුන විදිය මතක් වෙද්දි මට තාමත් හිනා යනව. එදා අප්පච්චිගෙ යාලුවා නිශාන්ත මාමාට උන දෙ මතක් වෙද්දිනම් දුකටත් වඩා මගෙ ලේ කොප වෙනවා අප්පච්චි . අපේ නිදහස නැති කල ,අපෙ ජිවිත නැති කල , අපේ රටම විනාස කල එ පාපතරයො හැම එකාම එකෙක් නැර කඩු ගැව එක නම් ලොකු පිනක්. එ පිනම අති මගෙ අප්පච්චිලාට නිවන් දකින්න . ආ......... ඔන්න ඔන්න ඉතින් සුදු අප්පච්චි චුටි පුතට බනින්න හදනවා . හිතෙ තියන වෛරයකට හෙම නෙවෙ කිව්වෙ එකා නැර මැරුව එක හොදයි කියලා . අර අප්පච්චි හැමදාම කියන්වා වගෙ මෙ රට අපෙ අම්ම නෙව. අපෙ අම්මට කරදරයක් හිරිහැරයක් වෙද්දි ඉවසන් ඉන්න බැ කියලා මගෙ අප්පච්චිමනේ මට කිව්වෙ.

ම්.... කොමද අප්පච්චි අර වෙලෙ කාඩෙ කුමාර මාමට. .. දැන් කැම්ප් එනවා නෙද ? රොද පුටුවෙ ඉන්න කොට නම් මම කවදාවත් හිතුවෙ නැ මෙච්චර විගහකට කුමාර මාම ඇවිදිවි කියලා . හම්බුනොත් මතක කලා කියන්න අප්පච්චි .  අර එදා කුමාර මාමගෙ නැන්දා එවලා තිබුණ වන්ඩු ආප්පත් රසයි කිවා කියන්න හොදෙ.  ආ.. අප්පච්චි බන්ටි නංගි කිව්වා මෙ පාර බුන්දි ගෙන කොට ටවුමෙ අඹ ගහ හංදියෙන් ගන්න එපා කියලා. අප්පච්චි එන ගමන් අපෙ ඉස්කොලෙ හංදියෙන් බැහැලා එතන බංඩෙ සීයගෙ කරත්තෙන් බුන්දි අරන් එන්න හොදේ. බංඩෙ සීයාගෙ බුන්දි රසයි ටවුමෙ එවට වඩා.

අපි හැමොම සනීපෙන් අප්පච්චි. මම දැක්කා අපෙ අම්මත් ලියුම් කඩදහියක් ලියනවා ඊයෙ රැ . අත්තත් ඔන්න උදෙ කැව ගමන් පන්සලට ගියා . වස් දානේ සිට්ටු බෙදන්න යනවා මගෙ හිතේ . එහෙනම් අදට නවතින්නම් අප්පච්චි. අප්පච්චි ඊලග සතියෙ එනවානේ එහෙනම් .. . පරිස්සමෙන් ඉන්න මගෙ අප්පච්චි. මගෙ අප්පච්චිට දළදා හාමුදුරුවන්ගෙ පිහිටයි. තෙරුවන් සරණයි .....!!

                                                                     මීට ,                                                                      ආදර චුටි පුතා.

ප . ලි : සිරි කොලුවා මෙ පොස්ට්ටුව ලියලා නම් දැන් ටික දවක්. ඩ්‍රාෆ්ට් තිබිලා අහම්බෙම් ව්ගෙයි දැක්කෙ. ලියලා තිබුනෙ අර රණවිරු සැමරුම් දවස් වල. :)) පබ්ලිශ් නොකලෙත් මෙකෙ එතරම් ගත යුතු යමක් නැ කියලා හිතුන නිසාමයි. ම්..... එත් අද දැක්කම හිතුනා ගත යුතු දෙයක් පොස්ටුවෙ නොතිබුනත් අපෙ රණවිරුවන් ගැන නිකමට හරි ආවර්ජනයකට මෙය ඉවහල් වෙයි කියලා. .. :))